حشومة أو عار …، الملك خدام ليل أو نهار أو معول على المسؤولين ديال الدولة من أجل تطبيق الإجراءات الاحترازية والوقائية أو الحمد الله كلشي خدام لحماية المواطنين أو كل جهات المغرب محتارما الحجر الصحي و التباعد، مثلا والي جهة الرباط نجح في تطبيق الإجراءات أو معا 8 ديال ليل كلشي داخل لداروا..، أو والي جهة العيون ماكاين معانا، أو ماكاين غير النشاط أو باك صاحبي أو نتا ديالي، المقربين او أصحاب النفوذ يتجمعوا كيف بغاوا أو وقت ما بغاو، راه التجمع حلال على البعض أو حرام على البعض الآخر في قلعة السلطان بالعيون .
راه القانون أ السيد الوالي على الجميع أو مثل هاته الأفعال راه تايعاقب عليها القانون، أو تيجرم كل من سولت له التلاعب بالأمن الداخلي للبلاد كيف ما كان المخالف سواء مواطن أو مسؤول ، راه حنا فدولة أمير المؤمنين أو دولة الحق و القانون و لعب الدراري هذا، راه البلاد تهلكات من جراء كورونا والإقتصاد عيا أو خاصنا ناتعاونوا باش نمر من هاته الأزمة الصحية العالمية ، أو نحافظوا على سلامتنا أو سلامت وليداتنا، أو نزيدوا ببلادنا لقدام، راه وزير الداخلية خاصوا يفتح تحقيق في الموضوع.
